తెలంగాణా పోరు

తెలంగాన పోరు సాగుతుందిరా
ప్రజా చైతన్యముతో జోరుగా సాగుతుందిరా
|తెలంగాన పోరు|
జయశంకరే సూత్రధారిగా
చంద్రశేఖరే పాత్రధారిగా
మేధావుల వ్యుహరచనలతో
విద్యార్థులు విప్లవ శక్తితో
|తెలంగాన పోరు |
కులమనక మతమనక
పిల్లలనక పెద్దలనక
స్త్రీ పురుష తేడ లేక
జనమంతా ఏకముకాగా
|తెలంగాన పోరు|
లాటిలకు అదరక
తూటాలకు బెదరక
ఐ.కా.స లన్ని కల్సి
తెలంగాన కంకణం కట్టు కోంగ
|తెలంగాన పోరు|
ప్రజా శక్తే ఆయుధంగ
సహాయ నిరాకరణె సిద్ధాంతంగా
వలస పాలన అంతముకై
జనమంతా కదం తొక్కంగ
|తెలంగాన పోరు|