వాన వాన రావమ్మ
ఉరుకులు పరుగుల రావమ్మ
ఉరుముతు మెరుస్తూ రావమ్మ
మళ్ళి మళ్ళి రావమ్మ.
ఎండిన నోళ్లను తడపంగా
నేర్రల నేల చిత్తడికాగా
రైతన్నలే మురిసిపోగా
ముసుర్ల వానై రావమ్మ - వాన వాన -
చెట్టు చేమ విరియంగా
చెరువులు చెలమలు నిండంగ
పంట పోలలే పండంగ
చిరుజల్లై జల్లుజల్లున రావమ్మా - వాన వాన -
వాగులు వంకలు ఉరకలేయగా
నదులే పొంగి పొరలంగా
జోరు గాలులే వీయంగ
జడి వానై రావమ్మా - వాన వాన -
No comments:
Post a Comment