పోరాడి సాధిద్దాం

తెలంగాణా రావాలంటే
ఉద్యమించరా,
తెలంగాణా కావాలంటే
కదం తొక్కరా.

అడుగు వెనక పడవద్దు
ఆత్మహత్యలు, బలిదానాలు వద్దే వద్దు
జనమంతా నీ వెంటే
ఆగక ముందుకు సాగరా.

ప్రాణముంటే పోరున్నది
పోరాడితే జయం మనదే
యోధుడవై ప్రభవించరా
భావి జీవితం నీదేరా.

తల్లి గుండెలు తల్లడిల్ల
ప్రాణ త్యాగామేలరా?
నీవు లేని తెలంగాణా
మరుభూమే కదరా.

శక్తులన్నీ కూడగట్టి
యుక్తులన్నీ ముందుబెట్టి
ఉగ్రమూర్తివై ఉద్యమించరా
విజయం తధ్యమేనురా.

జై తెలంగాణా, జై జై తెలంగాణా.

తెలంగాన గోస

నా చేర విడిపించ

కొడుకా! నా కొడుకా !

నువ్వు చావుకురా

నా కొడుకా! నా కొడుకా!

తెలుగోడని తెలివైనోడని

ఆంధ్రోని కప్పు గిన్చిండ్రు రా

నా బతుకే చిధ్రం

చేశిండ్రు రా

పెద్ద మనుషులున్నారు

మధ్య వర్తులున్నారు

ఒప్పందాలే చేశారు

నా బతుకు కాలరాశారు

పెద్దమనుషులు పలుకరాయే

మధ్యవర్తులు మరి లేకపోయే

న్యాయం అడిగిన నా అయ్య నోరు

జీ వోలు, ఫార్ములా లంటూ మూశారు

బండలైన నా బతుకు చూసి

నా అన్నల గుండెలే మండే

పోరుకు దిగిన వారి గుండెలను

తూటాలతో తూట్లు పొడిచిరి

తెలుగోడు తేలివిమీరినోడు

తెంపరోడు తాకట్ల ఆంధ్రోడు

నా ఆస్తులు కొల్లగొట్టి

అంత నాదే నంటాడు

నేనే నువ్వంటాడు

అంత తానే తింటాడు

నన్ను ఎండబెట్టి

వాడు బలుస్తున్నడుర

వాడి బలుపు అణచ

నన్ను రక్షించ

పోరాటం చేయరా

పోరే మన మార్గం రా

నీ వెంటే నేనుంటా

ఓ కొడుకా

పోరుబాట సాగరా

నా కొడుకా

నీ శ్వాసే నా ఆశ

నీ బతుకే నా భవిత

ప్రాణాలతో పోరు చెయ్యరా

తెలంగాణా రాష్ట్రములో

నీ నవ్వులే పసిడి పంటలురా