Showing posts with label జడివాన. Show all posts
Showing posts with label జడివాన. Show all posts

Monday, July 12, 2010

వాన వాన రావమ్మ


వాన వాన రావమ్మ
ఉరుకులు పరుగుల రావమ్మ
ఉరుముతు మెరుస్తూ రావమ్మ
మళ్ళి మళ్ళి రావమ్మ.

ఎండిన నోళ్లను తడపంగా
నేర్రల నేల చిత్తడికాగా
రైతన్నలే మురిసిపోగా
ముసుర్ల వానై రావమ్మ - వాన వాన -

చెట్టు చేమ విరియంగా
చెరువులు చెలమలు నిండంగ
పంట పోలలే పండంగ
చిరుజల్లై జల్లుజల్లున రావమ్మా - వాన వాన -

వాగులు వంకలు ఉరకలేయగా
నదులే పొంగి పొరలంగా
జోరు గాలులే వీయంగ
జడి వానై రావమ్మా - వాన వాన -